"að hnerra hefur ekkert með heppni að gera"!

Hvar er Albert sem slíkur?
Hússkipan er klár!
Hús 1 = Rúnar, Halli, Einsi, Davíð, Óðinn
Hús 2 = Jonni, Palli, Gummi, Jón karl, Eiki

þeir sem hafa eitthvað um málið að segja sendi sms á formanniNN.

Það er búið að setja upp líkleg lið en þau verð ekki kunngjörð hér.

Þessi mynd er eigi tekin í ölæði! Hún er tekin í geðshræringu.


Fundarmál = lest, negla keppnisfyrirkomulag, mátun

tilvonandi formaður fyrir hönd formanns

10 dagar

Sælir drengir

Núna styttist óðum í ferðina góðu og getur maður vart sofið fyrir spenningi og tilhlökkun. Menn hafa verið misduglegir að stunda golfíþróttina hérna á klakanum og enn hef ég engar fregnir af baunabræðrum, spurning hvort þeir hafi fengið sér 15-18 bjóra og gert eitthvað af sér ??

Það er allt að verða klárt, allir komnir með far út, vantar að kaupa lestarmiðana, Rússi verður jafnvel í Köben á þriðjudeginum og ætti að geta kippt Palla og Gumma með til Óðinsvé ! Óðinn er að vinna í bolamálum, nýtt logo hefur verið hannað fyrir klúbbinn, reyndar ósáttur við að ekki skuli hafi verið sett mynd af ástkærum tvöföldum Formanni á logoið ! Bolirnir verða víst í metrósexjúal lit eins og einhver myndi kalla það.

Veit ekki alveg hver staðan er á golfvöllunum sjálfum, vonandi að það séu til rástímar handa okkur þessa daga !! Umræða hefur verið um mat hérna heim, spurning að taka út að borða einhvern tímann, jafnvel var líka rætt um að spila Formanninn bara 18 holur og byrja strax á Bertanum eftir það, spila svo 36 á fimmtudeginum og 18 á föstudeginum, þannig að við getum slakað aðeins á og spjallað og skrafa og drukkið öl og grillað og dottið í það og blablablabla þarna á föstudeginum, eiga smá kvalití tíma með Alberti þarna á föstudeginum í stað þess að spila 36 á föstudeginum og eiga enga orku í að gera kvöldið eftirminnilegt ? Hvað segja menn um það ??

Hótelið er klárt á laugardeginum, 5 stjörnu kvikindi, gerum þetta grand, leigjum kannski limmuna og skellum okkur á veitingastað og látum svo skutla okkur á einhverja sveitta diskóbúllu og látum Eirík leiða danssveit Alberts um þröngar brjóstaskorur og sveitta afbrýðisama dani enda alkunna að ALBERTSMAÐUR ER ALVÖRU KARLMAÐUR...

Endilega drattist til að commenta og gera þetta svolítið lifandi rétt fyrir ferð..

Smelli að sjálfsögðu nokkrum myndum með...

Ekkert grín að vera Formaður !!!

Sigurliðið frá í fyrra (vantar Lúlla, vantar grunsamlega oft Lúlla ) !!!!

í Kóngsinns Köben

sælir drengir
eru menn ekki orðnir spenntir fyrir Bertanum og öllu því sem honum fylgir allavegna er ég að springa úr spenningi .....
en mig langaði bara að setja inn þessa mynd af hotelherberginu sem við gistum í á laugardags nóttina
5***** djöfull verður ekki betra

kv. Cobra

"12 dagar) Hótel í Köben...

Sælir fuglar,

ég ætla að panta þetta 5 stjörnu Marriot hótel á eftir, þetta verður einhver 6000 kr á mann, sem er sennilega bara vel sloppið miðað við gæðin á hótelinu, skítt með seðlana hvorteðer, við endum þessa ferð með stæl, tökum sánu, bjór og kokteil á hótelbarnum áður en við tékkum okkur út og gerum þetta af alvöru dæmi.. sýnum að Albert er enginn nærbuxnaklúbbur...

Annars er það að frétta helst af Alberti þessa dagana að mikil óvissa ríkir nú hvort Albert samanstandi af 11 einstaklingum eða 9 einstaklingum því það hefur ekki heyrst hósta né stuna frá þeim baunabræðrum núna í marga daga og lýsi ég hérmeð eftir þeim,,Rúnar minn ég treysti þvílíkt á að þessi mynd hérna að neðan blasi við mönnum á þriðjudeginum...

Albertsmenn drjúgir á Stofnfundi GH[14 dagar]

Ef þið haldið að veðrið hafi verið dapurt á Sunnudeginum þá er það rangur misskilningur. Stofnfundur/mót Golfklúbbs Hafnarfjarðar var haldið í dag undir tryggri leiðsögn fellibylsins Olgu. Fyrsta mótið af 15 vannst á 33 punktum og stóð SævangsSnorri þar uppúr, fremstur meðal jafningja. Ekki höfðu allir þann styrk sem þurfti til þess að klára 18. holur en Rjóminn af meðlimum GH afrekaði þó heilan hring. Others... fokking amatörs.....

Pökkurinn glansaði af stöðugleika[15 dagar]

Pökkurinn kunni vel við sig í rokinu á Sunnudaginn og beytti lágsprengdum boltum sem hafa verið vörumerki hans síðan hann vann Dunlop unglingamótið 1989. Hann var einn yfir fyrri 9 áður en hann datt í Björkina. Menn voru sammála um að árangurinn hafi verið þokkalegur miðað við slælegt veður og bjartsýni ríkti fyrir opnunarmót Golfklúbbs Hafnarfjarðar daginn eftir....

6 járnið vinsælt í óveðrinu[16 dagar]

Fundur var haldinn í golfskála Alberts við Álbræðsluna eftir 9 golfholur sem einkenndust af öfgafullri veðráttu. Flestir sem boðuðu komu sína voru mættir á teig um eitt leytið og funduðu svo í kjölfarið. Það bar helst til tíðinda að nýtt liðafyrirkomulag var samþykkt og álitlegt hótel var fundið fyrir höfn kaupmanna á leygardeginum. Frekari fregna af fundinum og afsagnar er að vænta frá fráfarandi formanni í næstu viku. Meðfylgjandi mynd sýnir beitingu á 6-járninu þegar slegið er í "millið".

ÁRNI sendir ÁRNAðaróskir með fleygjÁRNI[18]

"takk fyrir að stilla gítarinn strákar. Gengur ekki að vera falskur á þingi og já hei!! Kofinn er ykkar.....anytime".

"så har du ikke spiset KFC kylling burger"[19 dagar]

"Hvis du siger nej til min tilbud med green fee rabatten, så har du ikke spiset KFC kylling burger". Svo hljóðuðu síðustu orð Samnings-Kanónu Alberts þegar hann skellti á gjaldkera Odinse golfbane. Fyrr í samtalinu reyndi hann að sannfæra viðsemjanda sinn um að bærinn sem hann byggi í væri skírður í höfuðið á honum og tæknilega séð ætti hann "krumme-skudet" eins og hann kallaði það. Þetta er í fyrsta skiptið sem Óðni mistekst að "kreista díl" í Vestur Evrópu. Áður en Óðinn rauk út af fundinum þá lét hann fjúka út úr sér" það er ekki séns í helvíti að ég lagi torfuförin eftir mig á þessum velli"

"Hræddur um að lenda í skugganum" [20 dagar í Bertann]

Hann var ekki jafn borubrattur í dag , formaðurinn þegar ég náði tali af honum á æfingavellinum í morgun. "Ég er hræddur um að lenda í skugganum af áskoranda númer 1. sem kallar sig Tilvonandi Formann" sagði formaðurinn mæðulegur í máli. " Yfirleitt reyni ég að staðsetja mig í skugganum á vellinum, en það er þessi sálræni skuggi sem ég óttast" sagði formaðurinn og undirbjó eitt af sínu frægu skuggahöggum með 6-járninu.



Albert útsendari

Upphitun er hafin og Formaðurinn er heitur.

Formaðurinn hefur heldur betur hafið undirbúning á titilvörninni þetta árið og stefnir ótrauður að því að vinna bertann til eignar. Hann þrammar um velli stór-Hafnarfjarðarsvæðisins vopnaður drífara og potara. Að sögn hyggst hann eingöngu mæta með tvívæpni til leiks í Vé Óðins. "Þetta högg hefði fengið Cobra-myndlistarfólkið til þess að pakka saman penslunum" sagði formaðurinn vígreifur þegar útsendari náði af honum tali og myndum á nýju 13.brautinni á Hvaleyrinni, sem þykir með þeim gróskumestu á landinu eins og sjá má.

Hverjir eru að æfa sig?
lifandi beintökur úr æfingaskýlinu á linknum fyrir neðan.

http://157.157.89.198:83/view/index.shtml

Albert útsendari

Hittingur

Sælir félagar
Hvernig væri að við sem búum hér á landi færum að hittast og ræða málin varðandi komandi danmerkurferð. Menn hafa verið að velta fyrir sér að breyta liðum og fleira.
Um að gera að stinga uppá dagsettningu og hafa jafnvel einn til tvo kalda danska með í för.

kv,
Palli

King Cobra

Sælir drengir.....

Nú er golfið byrjað hjá mér og formanninum, skelltum okkur á Hellu í gær með nýju kylfurnar
og vorum við rosalega sáttir með Copruna og verðum við alveg svakalega sterkir í sumar bæði hér heima og á erlendri grund........

kv. Jón Cobra

Gefið í for?

Þessir herramenn, þessir herramenn(brandari háður því að síðasta spaugstofa hafi ekki farið fram hjá ykkur), vilja fá að vita hvað meðlimir Bertans eru með í forgjöf í dag. Eins og myndin gefur til kynna þá láta þeir ekki bjóða sér neitt bull þegar kemur að golfíþróttinni.

Forgjöfina í hús(eða við kaupum bara nýja meðlimi)

kv
Tilvonandi Formaður

Tillögur að matseðli í Odense.

Sælir félagar

Mig vantar tillögur að matseðli eða hvað menn vilja að borða. Morgunmat og hádegi og kvöld.
Við Rúni förum og kaupum inn fyrir ferðina og það þarf að vera á hreinu hvað menn vilja T.d serios eða jógúrt o.s.frv.

Kveðja Jonni Stef

Tilvonandi Formaður kveður sér hljóðs

Það er ekki seinna vænna að tilvonandi formaður Alberts láti í sér heyra á bloggi Bertans. Það hefur löngum verið krafa innan herbúða Bertamanna að opnuð yrði heimasíða og verður það fyrsta verk á komandi formannstíð, þannig að við verðum að notast við þetta demo enn um sinn. Eins hafa verið háværar raddir um að stofnað verði fasteignafélag Alberts og verður það skoðað ofan í kjölinn á komandi leiktíð.

Spennandi tímar!!!

p.s vona að einræðis propaganda myndin skili tilætluðum árangri með tilgangi þessarar færslu.

Heimsókn í Hólminn

Eins og rætt hefur verið undanfarin ár innan Golfklúbbsins Alberts er gríðarlegur vilji fyrir því að koma saman og spila golf í Hólminum. Einar Gunnarsson meðlimur Alberts, sem einmitt er búsettur í þessum fagra bæ, hefur samþykkt að boða til golfveislu í Hólminum seinni part komandi sumars. Nánari dagsetningar eru í höndum Formannsins og verða tilkynntar þegar tími kemur...þegar tími kemur.

Rúnar er kominn heim !!!

Sælir Albertsmenn

Þær gleðifregnir voru að berast að ástsæll meðlimur Alberts Rúnar Örn Haraldsson var að lenda á klakanum ásamt fríðu föruneyti, kona og 2 börn, vil ég sérstaklega bjóða soon to be nafna minn Davíð Örn Rúnarsson velkominn í fyrsta skipti til síns föðurlands. Að þessu tilefni er tilvalið að Albertsmenn hittist á næstu dögum yfir kollu af öli og ræði væntanlega ferð til Danmerkur og allt það sem henni fylgir.

Að þessu tilefni skellti ég inn þessari glæsilegu mynd af Alberti sem tekin var á Hellu síðasta sumar nánar tiltekið á 1.teig á Strandarvelli..

Þarna eru allir Albertsmenn samankomnir nema einmitt Rúnar, skemmtileg tilviljun það !!

Formaðurinn..

Verða Svínarif í DK ?????

ég ætla bara rétt að vona að hann Jonni vinur minn sjá um að elda jafn góð rif eins og við fengum á Húsavík ..... eins og sést þá líkaði mönnum nnnaammmmm

kv. svínabóndinn

Lúðvík í kunnugri stöðu á golfvellinum

Hérna má sjá Lúlla á 18.brautinni á Victoria og þarna þekkjum við okkar mann, búinn að húkka drævið og það dugði ekkert annað en að rífa sig úr sokkum og skóm og redda málunum...







Kveðja Formaðurinn...
ps. man ekki hvað hann fékk á holuna í þetta skiptið..

Frábært

Frábær síða hjá Formanninum okkar.

Til hamingju Albertsmenn og vonandi eiga menn eftir að nota þetta mikið
allavegna mun ég gera það ................

Ég og formaðurinn erum í miklum kylfuhugleiðingum erum að fara í mælingu á morgun
fyrir King Cobra kylfurnar sem við erum að spá í að fá okkur :-)

verðum óstöðvandi í sumar

en hérna er 1 mynd frá Florida sem ég vona að verði viðkomustaður Albertsmanna 2010 en þá verðum við 10 ára .......

kv. Jón Karl

Velkomnir félagar

Sælir meðlimir Alberts nær og fjær !

Núna styttist í að golfseasonið hefjist og því tilvalið að stofna okkar eigin heimasíðu. Ég sem formaður ákvað að taka af skarið og smellti þessu upp núna þegar það eru 85 dagar þangað til að Bertinn byrjar í Óðinsvé. Hérna geta menn svo komið sínum skoðunum á framfæri og bind ég miklar vonir við þessa síðu.

Það eru þónokkur atriði sem enn á eftir að ganga frá í sambandi við næstu keppni:

1. Liðsuppstillingar
2. Liðsbúningar
3. Húsnæðisskipan
4. Ferðatilhögun frá Köben til Óðinsvé
5. Fæði og drykkir (Jonni þú sérð um það og Rúnar þú hjálpar honum að versla og mundu eftir veskinu vinur)

Að lokum ætla ég að gera heiðarlega tilraun til að setja inn eins og eina góða golfmynd hérna fyrir neðan...





Þetta er 18.holan á Victoria Golfvellinum í Vilamoura, vonandi verður Albert þar á ferð í framtíðinni..

Formaðurinn